12:06:00 PM
“Më thanë, shkruaj vetëm serbisht!” Vëndi: Në njerën nga zyret e Drejtoratit të shërbimeve shoqërore në Viti. Aktorë: Ismet Kurteshi, kryetar i Konferencës komunale të LR dhe nëpunësja, RIFADIJE MUSLIU. Ismeti pohon, se atë ditë kishte pas kthyer këtu, ashtu spontanisht, të bëjë një vërejtje o sygjerim - pa të keq, në mënyrë shoqërore. Paska kërkuar arsyen e vërtetë, pse thirrjet që ishin dèrguar në terren, ishin të shkuar vetëm në gjuhën serbokroate. Por, prej nëpunëses
paska pasë marrë këtë përgjigje të shkurtër: - Anipse edhe unë kam insistuar që ato të shkruhen në të dyja gjuhët, referentja më ka thënë, se kjo është një formalitet e se unë duhet të vazhdojë „me të vjetrën”- të shkruaj vetëm në gjuhën serbokroate... Si thotë populli „pyka e rreh pykën”, kështu edhe vërejtja e Ismetit i paska rënë në vesh referentes MILENA QOSIQ. Ajo, pa vonuar shumë, ia paska pasë transmetuar atë(„vërejtjen”) kryetarit të Kuvendit Komunal,Milaim Bajramit. Çdo gjë kishte për të marrë fund „pa u bë e madhe”, sikur Milena të mos i kishte lakuar fjalët e Ismetit, flexo: gjoja se Ismeti paska thënë: „Unë nuk e dërgoj djalin për vaksinë pasi thirrja qenka shkruar në gjuhën serbokroate...”!) Kështu, Ismetit të pafajshëm, u mundua Milena „t’ia qepi në shpinë” etiketën si nacionalis t, shovenist... Qe çka na tha Kryetari i KK të Vitisë, në mes tjerash, për këtë: Rastin për të cilin bëhet fjalë, tanimë e kam vërtetuar. Shoqja Milena, herën e parë më ka thënë të pavërtetën, të cilën më vonë edhe vetë e ka pranuar. Mendoj se edhe Ismeti nuk ka vepruar miré, kur ka insistuar në mënyrë imponuese që thirrjet të shkruhen edhe në gjuhën shqipe. Tekefundit, më besoni se edhe na kemi rënë në hall. Në komunën tonë jetojnë më se 62% banorë të kombësisë shqiptare, por, ja se struktura nacionaie e personelit administrativ në Kuvendin Komunal është harmonike (afër 70% janë të kombësisë sërbe dhe malazeze e tjerë, të cilët nuk e njohin gjuhën shqipe). Kemi ndër marrë masa që kjo strukturë të përmirsohet, por, vështirë do ia dalim dot në krye, pasi janë të pakët kuadrat shqiptare e edhe ata që i kryejnë shkollat e mesme të larta ikin nga Vitia, si qytezë e vogël... Një gjë nuk e kemi të qartë: Pse nuk u muar në përgjegjësi shoqja Milena Qosiq, dhe të kuptohet se çka e shtyeri atë për ta njollosur një kryetar të KK të LR? Dëshirë jona është: Që, të rinjtë si Ismeti, poqë se përpiqen dhe angazhohen (u muar vesh, pa tendencë) që të mos bëhet diskriminim ndaj ndonjerës prej gjuhëve atëherë të paktën të mos klasifikohen si të atillë, që nuk janë në të vërtetë. Është detyrë dhe obligim shoqëror- politik i të gjithë neve, që të zotohemi në aplikimin e vërtetë të gjuhëve në administratë e gjetkë... (ZERI, 1969)
